Pyetja: Cili është gjykimi i atyre grave muslimane të cilët instalojnë në trupat e tyre mjete, që të mos lindin fëmijë?
Përgjigja:
Para së të dimë gjykimin e personave, duhet të dimë fillimisht gjykimin
e veprës, e që në këtë rast duhet të dimë gjykimin e kësaj vepre, ashtu
që të dimë gjykimin e atij i cili e vepron atë.
E për sa i përket gjykimit të kësaj vepre, e vërteta është se në të ka
detalizim, pasi që nga këto instalime ka që përdoren përkohësisht, pra
që gruaja të mos lindë përkohësisht, (ose një kohë të caktuar), e ka nga
ato gjëra që ndalojnë që gruaja të mos lindë më asnjëherë. Më poshtë po
përmendim gjykimin e atyre mjeteve të cilat përdoren për të ndaluar
shtatzëninë (ose lindjen) në një periudhë të caktuar e duke vazhduar më
pas me atë të përhershmen:
Nëse këto mjete përdoren për të ndaluar shtatzëninë për një kohë të
caktuar për shkak të ndonjë shkaku të cilin sheriati e sheh si të
arsyeshëm atëherë këto mjete lejohen, e nuk ka asgjë të keqe në këto, e
kjo është njëjtë me atë se kur burri bie dakord me gruan e tij për të
mos lindur fëmijë dhe burri nuk shkarkohet tek gruaja
[1],
por shkarkohet jashtë, e ky veprim është i lejuar në Islam, këtë e kanë
mbështetur shumica e dijetarëve sikurse medh'hebi i imam Ebu Hanifes,
medh'hebi i imam Malikut, medh'hebi i imam shafiut dhe gjithashtu edhe
medh'hebi i imam Ahmedit, dhe janë argumentuar për këtë mendim me
argumentet e mëposhtme:
Transmetohet nga Xhabir bin Abdullah se një njeri erdhi tek Profeti
alejhi selam dhe e lajmërojë atë se ai kishte robëreshë dhe nuk donte të
kishte fëmijë me të, e Profeti alejhi selam i tha atij:
"Shkarkohu jashtë saj nëse dëshiron.."
(Muslimi). E thonë dijetarët se hadithi tregon në mënyrë të qartë se
lejohet që burri të shkarkohet jashtë gruas së tij nëse ka ndonjë arsye
apo bie dakord me gruan e tij sikurse do ti përmendim më poshtë kushtet e
kësaj. Profeti alejhi selam e la në dorën e këtij njeriu të shkarkohet
tek gruaja apo jo, e kjo tregon lejueshmërinë.
Gjithashtu është transmetuar nga Xhabir ibn Abdullah r.a se ka thënë:
"Ne (shokët e Profetit) shkarkoheshim jashtë grave tona në kohën e Profetit alejhi selam, e ndërkohë që Kur'ani zbriste." (Buhari). Ndërsa në një transmetim tjetër nga imam Muslimi thuhet:
"Shkarkoheshim
jashtë grave tona në kohën e Profetit alejhi selam, e kështu i arriti
kjo gjë Profetit alejhi selam, e ai nuk na ka ndaluar nga kjo."
Pra shihet qartë se Profeti e ka miratuar këtë veprim, e nëse do të
përmbante diçka do ti kishte ndaluar shokët e tij nga kjo, e kanë ardhur
edhe shumë hadithe të tjera që tregojnë për këtë.
Ndërsa kanë
treguar disa dijetarë se ky veprim është mekruh (i papëlqyer), pasi që
kjo të dërgon në pakësimin e pasardhësve, gjë për të cilën ka nxitur
sheriati, e nga ata që kanë qartësuar pa pëlqyeshmërinë e kësaj është
medh'hebi i imam Shafiut dhe i imam Ahmedit.
Mirëpo nëse
ky veprim bëhet për ndonjë nevojë atëherë është i lejuar pa
pëlqyeshmëri, e këtë e ka treguar imam Ibn Kudame në (Mugni, 7/226), ku
thotë: "Shkarkimi jashtë gruas është ë papëlqyer... vetëm nëse bëhet për
ndonjë nevojë." Pastaj ka sjellë disa shembuj për këtë se kur është e
lejuar.
Duke u bazuar në këtë që e ceka më lart themi se përdorja e mjeteve për
të ndaluar shtatzëninë për një afat të caktuar është i njëjti gjykim më
shkarkimin jashtë gruas pa asnjë ndryshim, pra që është i lejuar nëse
bien dakord të dy palët dhe është i papëlqyer nëse nuk ka ndonjë arsye
të shëndosh fetare. E këtë e kanë treguar shume prej dijetarëve si nga
të hershmit po ashtu edhe nga bashkëkohorët, sikurse Komisioni i
përhershëm për fetva të Saudisë.
[2]
Mirëpo që ky veprim të jetë i lejuar, i ka tre kushte:
-
Të përdoren këto mjete (pra për ndalimin e shtatzënisë) me lejen dhe
rënien dakord e të dyja palëve, dhe nuk lejohen këto vetëm se me
pëlqimin e të dy bashkëshortëve.
-
Të ketë ndonjë dobi të cilën sheriati e sheh si të arsyeshme që të
përdoren këto parandalime të shtatzënisë. Kështu që nuk lejohet
përdorimi i këtyre për shkak të frikës nga varfëria, apo arsye të tjera
të cilat sheriati nuk i sheh të arsyeshme.
-
Që të mos ketë ndonjë dëmtim në përdorimin e këtyre mjeteve, si për
gruan ashtu edhe për burrin, e këto mjete që ndalojnë nga shtatzënia nuk
i shpëtojnë dëmtimeve në përgjithësi në atë që kam njohuri. E njëjta
vlen edhe për kapsulat apo edhe gjilpërat për parandalimin e
shtatzënisë, e kjo nuk bëhet vetëm se më rekomandimin e një mjeku të
besuar, sikurse kanë thënë disa dijetar. E nëse ndonjëra nga këto kushte
nuk realizohet, këto vepra bëhen të ndaluara.
Ndërsa për sa i përket përdorimit të tyre në mënyrë që gruaja të mos lindë asnjëherë, kjo pa diskutim është
haram
në sheriat, pasi që kjo e ndryshon natyrshmërinë të cilën Allahu e ka
krijuar për njerëzit, natyrshmëri kjo e cila Allahu është i kënaqur me
të. Gjithashtu kjo dërgon në pakësimin e pasardhësve dhe shtimin e
umetit, gjë të cilën na ka nxitur islami, gjithashtu përdorimi i këtyre
mjeteve për mos të lindur asnjëherë është sikurse thirrja e atyre
njerëzve të cilët duan të pakësojnë numrin e muslimanëve. Gjithashtu kjo
është marrje shembull nga veprat e kohës së injorancës, apo
injorantëve. Gjithashtu kjo është mendim i keq për Allahun nëse kjo
bëhet për shkak të varfërisë etj.
Në lidhje me këtë, komisioni përhershëm për fetva të Saudisë ka bërë
një studim, e ndër të tjera ka thënë: "Nuk lejohet pakësimi (ose
parandalimi) i pasardhësve absolutisht, e as që lejohet ndalimi i
shtatzënisë nëse është për qëllim me këtë frika nga varfëria, sepse
Allahu është Furnizuesi, e nuk ka në tokë ndonjë gjallesë vetëm se e ka
marr përsipër Allahu furnizimin e saj." Pastaj kanë përmendur se nëse ka
ndonjë arsye për këtë ndalesë të shtatzënisë ose vonimin e saj, atëherë
nuk përbën ndonjë problem.
[3]
Kështu
që duke u bazuar në këtë detalizim të përmendur, nxjerrim në konkluzion
se në disa raste parandalimi i shtatzënisë me këto mjete është i
ndaluar, e vepruesi i këtyre është gjynahqar pasi që ka vepruar një
ndalesë. Gjithashtu ka raste që kjo vepër është e papëlqyer, kështu që
vepruesi i saj ka vepruar një 'mekruh', e ka raste të tjera që kjo vepër
është e lejuar e vepruesi i saj nuk ka përgjegjësi tek Allahu.